Reno, czej mòrze...

1. Reno, czej mòrze sã bùdzy / Przë letczim parmieniów sklënim / Pòdchòdzysz Matkò do lëdzy / Zmãchconëch nocnym łowienim.

2. Kòl pôłnia w mòdrim klédzëkù / Të jidzesz so w słuńca blôskù / Przé Tobie dzecuszkò nëkô / Pò mòrsczim złotawim piôskù.

3. Pòd wieczór nad brzegã sôdôsz / Nad głową chòjna Cë szëmi, / Mòrze sã cëchò spòwiôdô / Tobie, ze Swôrzewa Pani.

4. Abò przëjmôsz pielgrzimów / Nad naszim kaszëbsczim mòrzã / Co jidą w próg Twi swiątnini / Bë złożëc pòczestnosc wierze.

5. I nama môl przed swim tronã / Òstawi Mòrskô Królewò. / Dôjże nóm pòdińc z ùkłonã, / Pò Twòje mateczné słowò.

6. Jô witóm waju, Kaszëbi, / W swôrzewsczim mòjim kòscele. / Mie wiedno barzëczkò lubi / Czej widzã tu waju wiele.

Tekst: ks. Bernard Sychta
Tłumaczenie: Eugeniusz Pryczkowski
Melodia: ks. Bolesław Lewińsk

Popularne posty z tego bloga

Kaszëbskô Królewô

1. Kaszëbskô Królewô! Bòżi, snôżi kwiat! /  Panëjesz ju nama hewò òd stalat.  /  Do Ce më sã żôlimë, wiedno mòdlimë,  /  Ò bòkadosc wiarë co dzéń prosymë. Ref. Swiónowskô ( Kaszëbskô ) nasza Matinkò,  /  Na strażë stojimë kòl Ce,  /  Wez prowadzë kaszëbsczi lud,  /  Dze skrzi sã nieba wieczny wid! 2.  Nôswiãtszô Marija, raju pëszny brzôd!  /  Przëstojiwómë Ce, jesmë przë Ce rôd.  /  Ùmòdlë ù Sëna dlô nas niebny môl,  /  Zgòjë grzéchù renë, niech Ce nas mdze żôl! 3.  Ùkòrunowónô, tesknimë do Ce,  /  Króluj nama wiedno, trzëmôj kòle se!  /  A czej nas ju zawòłô Syn Twój przed swój tròn,  /  Barnicą mdzë naszą, przëjim na swój plón. Tekst i melodia:  Jan Trepczyk
Czytaj więcej

W sztëczkù chleba

1. W tim malinczim sztëczkù chleba, / Wëbielałim òd miłotë, / Sóm Bóg przëszedł do nas z nieba / Pòmòc Złémù stanąc procem. / W òkrëszënce Sëna Cało / Słowã nóm je przëwòłóné, / Tak, jak piérwi rôz sã stało, / Co dzéń zôs je darowóné. 2. Bòskô Strawa dlô naj dëszë / Z nieba swiãté pòkrzeszenié, / Bësma razã hewò przëszlë / Dze je nasze òdnowienié. / Tu ze Stołu ne Òfiarë, / Czedë serca nasze czësté, / Wezma dodóm swiãté Darë / Zaniesc dobroc midzë lëdzy. 3. Niech mdze Tobie Bòże chwała / Z Sënã Twòjim w Sakrameńce, / Łączi nas tu starków wiara / Erbòwónô w testameńce. / Niech nen Chléb, co Bòga krëje, / Dërch Kaszëbóm drogã znaczi / I czap grzéchów z dëszë zmëje; / Zemiã w niebò przejinaczi. Tekst: ks. Jan Walkusz Melodia: Witosława Frankowska
Czytaj więcej

Christus Pón

Obraz
1.  Christus Pón, zmartwëchwstôł,  /  nóm nôdzejã w serca wlôł.  /  Z grobù wstôł, Jezës Pón,  /  żëcé wrócył wszëtczim nóm. Ref.  Alleluja, alleluja!  /  Niech redoscë himn dzys brzmi.  x2 2.  Christus Pón, zmartwëchwstôł,  /  cemnosc ju òdeszła w dôl.  /  Z grobù wstôł, Jezës Pón,  /  jasnosc zesłôł na nasz gón. Ref.  Alleluja, alleluja!  /  Niech redoscë himn dzys brzmi.  x2 3.  Christus Pón, zmartwëchwstôł,  /  ùcznióm sã ùkôzôł sóm.  /  Z grobù wstôł, Jezës Pón,  /  jak òbiecôł, żëcé dôł. Ref.  Alleluja, alleluja!  /  Niech redoscë himn dzys brzmi.  x2 Tekst i melodia:  Piotr Cichosz
Czytaj więcej